MJDAK Realiza Kafe Hamutuk ho Orgaun Komunikasaun Sosial

DILI, www.news-viptv.com – Ministeriu Juventude, Desportu, Arte no Kultura liu hosi Gabinete Komunikasaun no Informasaun realiza kafe hamutuk ho orgaun komunikasaun sosial hodi fahe informasaun kona ba servisu ministeriu nian.

Diretor Jeral Servisu Kooperativu Isabel Aziza esplika kafe hamutuk importante ho orgaun komunikasaun sosial sira tamba liu hosi orgaun komunikasaun sosial publiku bele hetan informasaun ba progressu servisu ministeriu nian.

Iha Kafe Hamutuk ne’e, hola prezensa mos Diretor Jeral Juventude, Desportu, Arte no Kultura ne’ebe esplika ona ba papel no programa hosi diresaun ida-idak nian, inklui progressu ne’ebe atinji ona iha semester dahuluk hosi Janieiru to’o Marsu.