Meet the Press : Benefisiu Tama OMK to’o Kapasidade Timor-Leste Lidera g7+

DILI, www.news-viptv.com –Ministru Transporte no Telekomunikasaun, Miguel Manetelo hateten katak Timor-Leste iha ona deretu hanesan ho membru Organizasaun Komersiu Mundial (OMK), OMK hodi koalia asuntu komersiu mundial.

Ministru Transporte no Telekomunikasaun informa assuntu ne’e wainhira sai fontes ba programa Meet the Press ne’ebe realiza hosi Sekretaria Estadu Komunikasaun Sosial, Sexta semana kotuk iha salaun Presidensia Konsellu Ministru, Palacio do Governo, Dili.

Membru Governu ne’e mos hateten katak, ho Timor-Leste nian pozisaun agora nu’udar membru OMK, Timor-Leste mos sei hetan merkadu ba nasaun ne’ebe deit ba produtu rai laran nian.

Ho Timor-Leste nia estatutu dadauk ne’e sai ona membru OMK, Sekretariu Jeral g7+, Helder da Costa hare katak Timor-Leste iha duni kapasidade atu involve iha organizasaun mundial sira, inklui mos iha ONU, CPLP, no ASEAN.

Iha meet the press ne’e, Helder da Costa mos esplika kona ba prestasaun Timor-Leste ne’ebe funda g7+ liliu oinsa organizasaun ne’e bele sai observador permanente ih ONU.