Lula da Silva Eleitu ba PR Brasil

DILI, www.news-viptv.com – Antigu Presidente Republika (PR) Brasil, Luiz Inacio Lula da Silva ne´ebe konesidu ho naran bolu Lula da Silva halo supreza poliika Brasil hodi fila hikas no lidera hikas Brasil hafoin eleitu nudar PR iha eleisaun presidensial, Domingu (30/10/2022.

Iha eleisaun presidensial, Lula da Silva halakon nia rival, Jair Bolsonaro, atual PR Brasil ho nia votos vitoria mihis ne´ebe hetan ho 50,9 porsentu kontra 49,1 persen suara deklara Tribunal Supremu Eleitoral Brasil. Seremonia posse ba veteranu ho tinan 77 nu´udar PR foun sei halao iha 1 Janieiru 2023.

Iha nia diskursu ba vitoria nian, Lula promesa sei unida hikas nasaun ne´ebe dadauk ne´e nakfera. NIa mos sei proteje ailaran Amazona ne´ebe durante periodu rua governasaun Bolsonaro ne´ebe hetan atensaun relasiona ho kauza taxa desmatamentu.

Wainhira asumi PR Brasil 2003-2010, Lula konesidu nu´udar lider moderadu no pragmatia maski mai hosi eskerda.

Iha final mandatu, inside aseitasaun lideransa Lula atinji 87 porsentu, mais altu iha istoria Brasil nian.

Maibe, Lula monu iha skandal korrupsaun ne´ebe dada mos kompana mina Petrobras . Skandal ne´e mos lori politikus konesidu to´o xefi Petrobras.

Iha kazu ne´e, Lula desmente akuzasaun katak nia simu subornu iha korrupsaun Petrobras. Maibe, nia provadu sala no konsege ba kadeia iha 2018.

Nia hetan pena kadeia fulan 18, antes livre hodi hein rekursu.

Dadauk ne´e, Bolsonaro ho nia apoiantes konsidera rezultadu ne´e mosu ona frauda no hare katak  tribunal, instituisaun eleitoral no media sira konspira hodi kontra nia no nia grupu direta sira.