Lere Sei Halo Mudansa ba Partidu FRETILIN

VIQUEQUE, www.news-viptv.com – Kandidatu Prezidenti Republika, Lere Anan Timur iha nia kampana eleitoral deklara nia sei halo mudansa ba Partidu FRETILIN.

Tamba ne’e, Lere apela ba estrutura munsipiu no militante sira atu labele tauk ho ameasa ruma ne’ebe hakarak hases sira hosi FRETILIN.

Iha kampana ne’e, Jeneral fitun tolu ne’e husu ba povu Viqueque atu kuidadu ho politiku nain sira no partidu politiku  ne’ebe tamba deit hakarak ukun sosa povu nia votos ho osan.

Iha nia komprimisiu politiku, Lere husu ba povu atu vota nia, tamba nia uniku kandidatu prezidenti republika ne’ebe sei marka deferensa ba ukun iha Timor-Leste, no sei respeita estadu de deretu demokratiku no sei servisu hamutuk ho governu hodi dezemvolve Timor-Leste ba moris diak povu nian.

Monu iha loron veteranu, Lere Anan Timur antes kampana partisipa uluk misa iha Igreja Viqueque no vizita jardim de heroi viqueque hodi fo omenajem ba heroi sira.

Video Journalist: Leonito de Fatima VIP TV