Lere: Atauro iha Kontribuisaun ba Luta TL

ATAURO, www.news-viptv.com – Jeneral (reformadu) Lere Anan Timur kandidatu prezidenti republika dahuluk maka halo komisiu politiku dahuluk entre kandidatu nain 15 seluk, iha Atauro.

Komisiu politika Jeneral Lere nian ne’e halo iha Domingu (6/3/2022) no simu ho kontenti hosi komunidade Atauro ne’ebe maioria ho relijiaun Kristaun Protestante.

Rekonese nudar fatin desteradu ba luta nain sira, Atauro mso marka ona istoria ba luta libertasaun Timor-Leste liu hosi kontribuisaun komunidade sira ne’ebe involve mos iha resistensia kontra okupasaun kolonalista sira.

Iha komisiu ne’e, alende akompana hosi nia espousa Cidalia Mesquita, partisipa hotu iha komisiu ne’e, veteran no atual deputadu bankada PLP, Cornelio Gama no ekipa susesu sira ne’ebe partilla mos informasaun ba programa kandidatura Jeneral Lere.

Iha Atauro, Kandidatu ho numeru 8 husu ba povu Atauro atu vota ba nia hodi sai prezidenti republika foun ne’ebe sei marka diferensa, diferente iha halo progresu, diferente durante ne harii Timor foun, iha paz estabilidade, dezemvolvimentu no unidade.

Videeo Journalist: Leonito de Fatima, VIPTV.