banner 1000x250

Komisaun C PN Sedauk Simu Relatoriu Gastu Fundus COVID-19 USD 300 Miloens

  • Share
Prezidenti Komisaun C PN Cedelizia Faria dos Santos. Photo: VIPhoto/Screenshoot
banner 728x90

DILI, www.news-viptv.com – Komisaun C Parlamentu Nasional ne’ebe toma konta ba assuntu finansa to’o ohin loron sedauk simu relatoriu ba gastu Fundus COVID-19 ho montante USD 300 miloens.

Prezienti Tribunal de Rekursu, Deolindo dos Santos wainhira halo audensia ho Komisaun C PN. Photo: Media PN

Prezidenti Komisaun C PN, Cedelizia Faria Dos Santos ba jornalista sira, Kuarta (15/1/2025) esplika, Fundus COVID-19 ne’ebe responsabiliza husi 8 Governu ne’e hodi uza ba programa rekoperasaun ekonomiku, inklui programa Sexta Bazika.

banner 1000x250

“Iha 8 Governu ita gasta orsamentu 300 i tal milloens ba rekoperasaun ekonomiku liu husi fundus COVID. Tamba programa Sexta Bazika ne’e hatama iha rekoperasaun ekonomiku, maibe relatoriu ami la simu, inklui relatoriu kamara de kontas 2023 nian laiha buat ida kona ba rekoperasaun ekonomiku ne’e,” dehan Cedeliza ba jornalista sira hafoin halo audensia ho Prezidenti Tribunal de Rekursu, Deolindo dos Santos hodi esplika ba Komisaun C ba auditoria husi Camara de Contas ba relatoriu gastu OJE 2023.

Ho relatoriu ne’ebe laiha, Komisaun C husu nafatin ba Camara da Contas hodi hare assuntu ne’e, inklui husu mos ba Tribunal Rekursu no Ministeriu Publiku hodi halo auditoria klean ba aviaun ZEEMS ne’ebe Tribunal Rekursu hare katak asuntu ne’e seriu.

“Ami ko’alia mos kona ba aviaun ZEEMS tamba Tribunal Rekursu mos hateten katak aviaun ZEEMS ne’e buat ida seriu tebes, tamba imformasaun primeiru dehan ita hola aviaun foun, maibe ikus mai ita hatene katak aviaun ne’e aviaun uzadu. Ho nune’e ami rekomenda karik ba oin se asaun sira ita konsidera hanesan krimi karik bele lori ba oin, labele rai deit iha kamara de kontas hanesan reauditoria deit .karik ministeriu publik sira ou orgaun kompotente sira bele halo auditoria kle’an liu tan,” hateten deputada CNRT ne’e.

Iha audensia ne’e, Komisaun C mos rona ona rekomendasaun Camara de Contas kona bao san PNDS ne’ebe govenru anterior transfere ba kontas suku atu fo fila ba kofre estadu tamba la kumpri prinsipiu no lei OJE nian.

Nia esplika, orsamentu PNDS ne’e hetan preokupsaun husi PM Xanana ne’ebe ho osan bo’ot no barak mak lakon.

“Xefe suku sira halo hanesan ne’e tamba lei ida uluk anterior ne’e fo dalan, hatete katak osan la uza hotu karik rai hela iha konta, maibe bainhira ita iha orsamentu retifikativu, altera ona artigu refere. Tamba ne’e orsamentu ne’ebe la ezekuta tenki haruka hotu, tamba orsamentu ne’e bo’ot tau hela,” nia dehan.

Orsamentu PNDS ne’ebe Primeiru Ministru kestiona maka kuaze 30 miloens.

entertantu, Prezidente Tribunál Rekursu (PTR), Deolindo dos Santos  hateten osan ba Programa PNDS ne’ebe deskonfia lakon ne’e lalakon, maibe sedauk fo fila ba konfre estadu.

“Kona-bá PNDS hanesan tuir apresiasaun Camara de Contas, depois ami rekolla hotu  katák osan PNDS nian la kumpri buat ida ne’ebé hateten katák osan ne’e tuir loloos kada tinan fila-fali bá konta jerál estadu mais la kumpri,” dehan Deolindo ba jornalista sira.

  • Share

Leave a Reply

Your email address will not be published. Required fields are marked *

error: Content is protected !!