Komemora Loron 12 Novembru, MJDAK Aloka US$ 100,000 resin

DILI, www.news-viptv.com – Hodi komemorasaun loron 12 Novembru ne’ebe rekonese mos nudar loron nasional ba Juventude, Ministeriu Juventude, Desportu, Arte no Kultura (MJDAK) aloka orsamentu US$ 100,000 resin.

Ministru JDAK, Nelyo Isaac Sarmento esplika, husi orsamentu ne’ebe aloka, sei fahe mos ba kada munisipiu hodi bele halo selebrasaun hamutuk ho jovem sira tamba loron refere nu’udar loron ba juventude nian.

“Juventude sira tenki kontenti ho selebrasaun ida ne’e no ita orgulho ho historia ne’ebe ita nia maun sira jerasaun juventude sira halo agora ita orgulho ho ita nia sofremento  ho sira nia historia no ohin ita tenke oferese  buat ruma ba ita nia nasaun ho buat ne’ebe ita bele  kontribui hametin Paz,  hadomi malu, hamutuk koalia konaba futuru nasaun nia ba oin, nia hakotu,” dehan Nelyo Isaac ba jornalista sira, Segunda (4/11/2024), iha CCD Dili.

Nia esplika katak, “Atividades hahu komesa iha dia 5-10, nomos iha dia 11 sei iha seminariu ida iha CCD, no  ita sei selebra 12 de Novembru ne’e iha parte daderasaan nian no ita komemora ka halo reflesaun ba Masakre 12 de Novembru 1999, no mos iha meudia ita sei  selebra loron Nacional da juventude  iha resintu Ministériu Juventude Desportu Arte no Kultura (MJDAK) nian komesa husi meudia to lokraik no iha aktividade lubuk ida”.