Jogos Desportivas CPLP XII, Se Realiza iha 17-27 Jullu 2025

DILI, www.news-viptv.com – Timor-Leste aprezenta ona data 17 to’o 27 Jullu 2025 hodi realiza Jogos Desportivas CPLP XII.

Data realizasaun ne’e Ministru Juventude, Desportu, Arte no Kultura, Nelyo Isaac Sarmento aprezenta ona ba Konsellu Ministru, iha 3 Jullu 2024, iha nia apresentasaun preparativus Jogos Desportivas CPLP XII 2025 ne’ebe Timor-Leste sei sai uma nain.

Iha komunikadu imprensa ne’ebe redasaun assesu eventu multi-desportivu ida ne’ebé halibur partisipantes ho idade menus husi tinan 16 husi país CPLP sia.

Timor-Leste lolos iha tinan 2020 sai ona uma nain ba jogos refere, maibe eventu ne’e adia tiha fali tanba pandemia COVID-19.

Durante aprezentasaun ne’e, sira diskute kona-ba infraestruturas ne’ebé iha hela preparasaun, inklui resintu (fatin) oinoin ba modalidade desportiva ne’ebé diferente, alojamentu, transporte, servisus médikus, seguransa no seluk tan. Aprezenta mós ba membrus Konsellu Ministrus logotipu no múzika ne’ebé kria liuliu ba eventu internasionál ida-ne’e.

“Hamutuk iha modalidade desportu 8 maka sei kompete iha jogu ne’e maka Atletismu, Futebol, Karate, Taekwondo, Tenis KAmpo, Basketbol 3×3, Xadrez no Volei-Praia,” dehan Nelyo Isaac iha publikasaun pajina official MJDAK nian.

Iha atletismu mos sei iha jogu ba numeru para-atletismu ho numeru 400 metru ba kategoria T11/T13 no T34/T37. Alende ne’e, sei loke mos klas lansamentu de peso no salto em comprimentos.