Investor Xina sei Investe Milliaun US$ 70 ba Area Hotel iha RAEOA

DILI, www.news-viptv.com – Investor Xina hosi Shanghai sei investe nia osan hamutuk milliaun US$ 70 hodi investe iha area hotel.

Prezidenti Autoridade RAEOA, Rogerio Tiago Lobato esplika investimentu investor hosi Xina ne’e iha ona diskusaun no hato’o ona ba Prezidenti Republika Jose Ramos Horta no Primeiru Ministru, Xanana Gusmão.

Investimentu ne’ebe investidor hosi Xina sei halo ne’e maka rehabilita no aumenta konstrusaun foun ba hotel ne’ebe RAEOA harii ona ho osan estadu millaun US$ 14.

RAEOA dadauk ne’e sai sentru ba investidor estranjeiru ne’ebe hakarak investe nia kapital iha Timor-Leste hodi dezemvolve RAEOA tuir politika Nono Governo nian liliu oinsa aselera desenvolvimentu iha Oekusi tuir programa Zona Espesial Ekonomia Sosial Merkado (ZEESM).