HWPL Lansa Programa Public Peace Art iha Timor-Leste, Sei Realiza Global Peace Forum iha 2024

DILI, www.news-viptv.com – Hodi promove dame iha Timor-Leste organizasaun dame internasional hosi Koreia Sul, Heavenly Culture, World Peace and Lighting of Restoration (HWPL) lansa programa Public Peace Art iha Timor-Leste.

Seremonia lansamentu programa ne’e hetan prezensa hosi HWPL nian parseiru ne’ebe partisipa ona iha Konferensia Internasional HWPL nian ne’ebe realiza iha Seoul, Koreia Sul iha Setembru 2023.

Reprezenta Ministru Ensino Superior, Siensia no Kultur, Jose Honorio Jeronimo, Rui Hanjam nu’udar assessor lori mensajem ministru nian ne’ebe kongratula ba inisiativa HWPL nian ba lansamentu programa Public Peace Art ne’ebe involve estudante ensino superior no artisita pintor sira hodi pinta mensajem dame nian ne’ebe hatudu ona iha parede Xanana Sport Center.

“Kongratula inisiativa ba lansamentu programa Public Peace Arts ne’ebe mai hosi HWPL, ne’ebe iha komitmentu nafatin promove dame iha mundu,” hateten Ministru Ensino Superior nian mensajem.

Ho programa ne’e lori duni foinsa’e sira bele involve dereta ba promove dame liu hosi pintura furak ne’ebe sira pinta no iha atividade seluk ne’ebe ligadu ho promove dame nian.

Nu’udar foin sa’e Timor-Leste ami urgullu bele hamutuk ho organizasaun internasional ne’e hodi harii no mantein dame.

Iha pintura nian durante prosesu ami enjoy no ami bele konese malu ho kolega hosi universidade oioin no koalia kona ba dame nian

Iha fatin hanesan, Jenifer Choi nu’udar Diretor Jeral International Peace Youth Group HWPL nian hateten, iha 2024, HWPL mos iha inisiativa atu lansa programa Dili Cidade Dame liu hosi atividade Global Peace Forum ne’ebe sei partisipa hosi ema rihun 3.

“Tinan oin ita (HWPL ho Governu Timor-Leste) sei realiza atividade hanaran Global Peace Forum ho nia tema papel importante lider dame nian ba dezenvolvimentu nasaun ne’ebe afetadu konflitu,” informa Jenifer Choi.

Iha realizasaun HWPL sei servisu hamutuk ho organizasaun internasional g7+ ne’ebe harii hosi Timor-Leste ho nia membru nasaun hamutuk 22.

Alende lansa programa Public Peace Art, reprezentante HWPL mos asina akordu ho Konsellu Imprensa Timor-Leste, VIP TV (Media online) no Assosiasaun Turismu Relijiozu Timor-Leste.

HWPL nu’udar organizasaun internasional ba dame nian ne’ebe assosiada ba Konsellu Ekonomia no Sosial Nasoens Unidas (ECOSOC) no Departementu Komunikasaun Global Nasoens Unidas.

HWPL Transende diferensia kultura, fiar, relijaun, servisu hamutuk ho lider sira no foin sa’e sira ba esforsu solusaun dame ne’ebe inklusivu no sustentavel hodi transmite esforsu sira ba promosaun kultura dame, refleta kultura selestial sem kores ho valor domin, respeitu ho abundansia. Hanesan lalehan ne’ebe nunka para fornese naroman, udan no aar ba ema hotu hodi bele moris.