Horta: Xina Parseira Importante ba Dezemvolvimentu

DILI, www.news-viptv.com – Prezidenti Republika eleitu, Jose Ramos Horta hateten, Republika Povu Xina nudar parseira importante ba dezemvolvimentu Timor-Leste.

Rammos Horta informa lia hirak ne’e ba jornalista sira, Kuarta (4/5/2022) iha nia edifisiu Gabinete eis titulares Farol-Dili,  hafoin hasoru malu ho embaixador Xina iha Timor-Leste, Xiao Jiangou hodi entrega karta offisial Prezidenti Xi Jinping ba Ramos Horta ne’ebe eleitu fali ba Prezidenti Republika.

Iha karta offisial Prezidenti Xi Jinping nian ne’e, Embaixador Xina ne’e esplika alende kongratula Ramos Horta eleitu ba Prezidenti Republika, karta ne’e mos hato’o mensajem importansia relasaun bilaterais entre nasaun rua.

Alende simu embaixador xina nian ne’e, Ramos Horta mos simu bainaka hosi Komisaun Nasional Edukasaun Katolika ne’ebe lidera hosi Amu Mateus Afonso ho nia objetivu oinsa promove diak liu tan area edukasaun iha ensino Pre-eskolar to’o ensino sekundariu tuir padraun internasional.

Alende ne’e, Ramos Horta mos hetan vizita hosi monsenhor Marco Sprizzi hodi koalia mos relasaun bilateral entre Timor-Leste ho Vatikanu.

Reporter: Angelina Soares  I  Cameraman: Contantino Babo