Horta: Asumi PR Hau Nia Dezisaun Pro ba Povu

BAUCAU, www.news-viptv.com – Iha nia komisiu politika iha Munisipiu Baucau ba eleitor sira, Kandidatu Prezidenti Republika Jose Ramos Horta hateten, ho folin sasan ne’ebe sa’e dadauk, nudar Prezidenti Republika nia sei halo dezisaun ne’ebe pro ba nia povu hodi hadia situasaun ekonomia rai laran, inklui sei halo komunikasaun ho lider rejional sira ba situasaun politiku nian.

Hare ba situasaun ekonomia no dezemvolvimentu ne’ebe hahu hakdasak, Prezidenti Partidu Demokratiku, Mariano Assanami Sabino hateten, Timor-Leste persiza Ramos Horta no Xanana Gusmao atu fila ba ukun hodi sai prezidenti republika no primeiru ministru nune’e bele hadia situasaun rai ne’e iha setor hot-hotu.

Iha fatin hanesan, Xanana Gusmao mos husu nafatin ba Ramos Horta wainhira asumi ona kargu prezidenti republika, atu hatur hikas konstituisaun no hadia Sistema finanseira ne’ebe sobu tamba durante tinan 5 ukun nain sira halo buat hotu kontra lei ne’ebe vigor iha rai ne’e.

Iha Komisiu politiku Horta nian iha Baucau, lider partidu FRETILIN, Rogerio Lobato mos apela ba nia apiante no militante iha Partidu FRETILIN atu vota ba Ramos Horta ba prezidneti republika.

Reportagem: Justinho Mendonca