Hetan Medalla 30 iha Torneiu KEJATI NTT, PR Ramos-Horta Orgullu ho Prestasaun Atleta Taekwondo

DILI, www.news-viptv.com- Prezidente Repúblika (PR), Jose Ramos-Horta orgullu no senti kontenti ho prestasaun husi atleta Taekwondo hosi Dojan KONI no Eagle ne’ebe hetan medalla 30 durante partisipa iha kampionatu KEJATI Cup iha Kupang, NTT, Indonezia.

Kongratulasaun xefi estadu ne’e hato’o ba atleta Taekwondo sira ne’e wainhira hasoru malu ho nia iha Palasiu Prezidensial, iha Tersa (27/8/2024).

“Hau rona hotu-hotu komportamentu diak, sira simu Prémiu lubuk ida, maibe hau hatete manan ka lakon ne’e diak hodi ita kontenti,” komentariu Xefi Estadu.

Oscar Lusio nu’udar Xefi Delegasaun esplika, medalla 30 ne’e kompostu husi medalla osan mean 16, osan mutin 7, no osan metan 7.

Nia hateten, partisipasaun sira nian iha eventu ne’e ba daruak ona no iha dahuluk tinan 2022 konsege sai vensedor iha pozisaun dahuluk, maibe iha tinan 2024, iha deit pozisaun daruak.