banner 728x250

Hakarak Periodu 2, Lu-Olo Se Anunsia Nia Re-Kandidata ba PR

  • Share
Francisco Guterres Lu-olo, Prezidneti Republika ne'ebe hakarak re-kandidata tan nia an ba eleisaun prezidensial. Photo: Media PR

DILI, www.news-viptv.com – Prezidenti Republika Francisco Guterres “Lu-Olo” sei anunsia nia kandidatura hodi asumi hikas nia kargu ba periodu daruak iha eleisaun prezidensial.

Liu hosi konvite ne’ebe naklekar iha media sosial, tuir ajenda Lu-Olo sei anunsia nia re-kandidatura iha Domingu (16/1/2022) iha Parokia Imaculada Conceição Ermera tuan, Munisipiu Ermera.

banner 336x280

Iha konvite ne’e hakerek Hau Francisco Guterres Lu-Olo pronto dala ida tan sai Presidente Republika ba Timor-Leste no Povu Tomak !  

Iha 2017, Francisco Guterres Lu-Olo eleitu ba Presidenti Republika ho primera volta hodi manan kandidatura Antonio da Conceicao hosi Partidu Democratico. Vitoria Lu-olo ba Prezidenti Republika ne’e mos la ses hosi “tula-liman” lider kharismatiku Kay Rala Xanana Gusmao ne’ebe hamrik iha sorin durante kampana.

Timor-Leste sei realiza nia eleisaun prezidensial iha 19 Marsu 2022 no dadauk ne’e iha ona naran hanesan Jose Ramos Horta, Tanente Jeneral Lere Anan Timur, Mariano Assanami Sabino, Armanda Berta, Milena Pires no Virgilio Guterres mak pronto kandidata nia an hodi tuur iha Palasiu Presidensial Aitarak Laran.

Timor-Leste desde restaura nia independensia iha 20 Maiu 2002, hili ona nia prezidenti republika dala hat maka Kay Rala Xanana Gusmão (2002-2007), Jose Ramos Horta (2007-2012), Taur Matan Ruak (2012-2017) no Francisco Guterres Lu-Olo (2017-2022.

Writer: MEILANA, Evangelisto SantosEditor: DOS SANTOS, Agida
  • Share

Leave a Reply

Your email address will not be published. Required fields are marked *