Governu Sei Harii Sentru Jestaun Lafaek iha Maubara

DILI, www.news-viptv.com – Atu hamenus risku ne’ebe hamosu hosi Lafaek ba komunidade, Governu sei hari’i Sentru Jestaun Lafaek ne’ebe tuir planu sei halo iha Maubara, Munisipiu Liquisa.

Sekretariu Estadu Meiu Ambiente, Demetrio Amaral Carvalho koalia programa ne’e wainhira sai orador ba progressu servisu ne’ebe sekretaria estadu ne’e atinji ona ba programa meet the press ne’ebe realiza hosi Sekretaria Estadu Komunikasaun Sosial, Sexta (8/4/2022) iha Palacio do Governu.

Dadauk ne’e Governu liu hosi Diresaun Nasional Biodiversidade iha ona fatin karantina ba Lafaek iha Hera liu hosi programa konservasaun exetu hodi hasai movimentu lafaek hosi area komunidade

Iha mudansa klimatika nia, governu iha ona planu kuda ai-parapa iha rai 15.000 hektares no sei halo distribuisaun ba fugaun poupa enerjia hodi redus Timor-Leste nia dependensia ba ai-sunu nudar material prima wainhira tein.

Reporter: Angelina Soares I Cameraman: Leonito de Fatima