Governu Hapara Projetu Estrada Alas

DILI, www.news-viptv.com – Governu iha nia dezisaun hapara ona projetu ba Estrada Alas iha Munisipiu Manufahi.Dezisaun ba hapara projetu ne’e hato’o hosi Ministru Obras Publiku, Samuel Marcal wainhira hasoru Primeiru Ministru Xanana Gusmão, Sexta (19/7/2024), iha Palacio do Governu.

Ministru Obras Publiku ne’e hasoru malu ho Primeiru Ministru tamba hetan xamada urjenti husi xefi governu relasiona ho projetu Estrada iha Alas, ne’ebe hetan impendementu hosi grupu balun iha area refere.

Iha hasoru malu ho PM Xanana, Ministru ne’e mos informa progressu servisu konstrusaun iha Dili laran ne’ebe atinji ona porsentu 80 relasiona ho vizita Papa Francisco iha Setembru.