Funu Hamas vs Israel, Rezulta Vitima Mate 2.100

DILI, www.news-viptv.com –  Funu Israel ho Hamas (Palestina) ne’ebe tama ona loron lima rezulta vitima mate hamutuk ema nain 2.100 no kanek aumenta bebeik.

Hosi numeru vitima mate ne, hosi Israel hamutuk ema nain 1.200 no Palestina iha emai nain 900, inklui labarik sira atus ba atus.

Dadus hosi Forsa defeza Israel (IDF) liu ema 2.800 maka hetan kanek kauza hosi Hamas nia ataka. Entertantu dadu hosi MInisteriu Saude Gaza relata ema nain 4.600 maka kanek tama ataka hosi Israel.

Israel ataka total lina Gaza hafoin militante Hamas ataka sidade sira iha Israel iha ataka in-esperadu iha fatin oioin iha Sabadu (7/10/2023).

Hamas afirma katak, ataka ne’e hanaran operasaun tempestade Al aqsa ho objetivu finaliza okupasaun ikus iha mundu.

Forsa Israel la nonok no kontra ataka hasoru Hamas ho lansa Operasaun Espada de Ferro ho objetivu operasaun harahun infraestrutura Hamas iha Lina Gaza.  Asaun kontra ataka ne’e konsidera mais mortal desde atakasaun Egiptu ho Suriah iha funu Yom Kippur 1973.

Eskritoriu Nasoens Unidas ba asuntu humanitarian (OCHA) informa, hamutuk ema rihun 263 maka sai refujiadu hafoin obrigamente tenki sai hosi sira nia uma iha lina Gaza hodi hases an hosi fatin funu nian entre  militante Hamas ho Israel. Numeru refujiadu ne’e tuir OCHA kontinua sei sa’e relasiona ho funu refere.

“Liu ema 263.934 iha Gaza maka husik ona sira nia uma,” dehan statementu hosi OCHA ne’ebe publika hosi AFP, Kuarta (10/10/2023).

Bazeia dadus hosi Ajensia Emprego no Rekoperasaun ONU nian (UNRWA), hosi numeru rihun 260 resin, nain 175.500 maka evakua ba eskola 88 ne’ebe maneja hosi ajensia ONU refere.

Liu ema nain 14.500 mos buka pretesaun iha eskola publiku 12, no rihun 74 provizoriumente hela ho sira nia familia, vizinu, igreja no fasilidade seluk.