Ezekusaun OJE 2022 Foin 39%, PM Taur: Gasta la Hotu Fila ba Kofre Estadu

DILI, www.news-viptv.com – Primeiru Ministru (PM) Taur Matan Ruak deklara ba Orsamentu Jeral Estadu (OJE) tinan 2022 ne´ebe la konsege ezekuta ou gasta la hotu tenki fo fila ba kofre estadu.

Xefi Governu hasai statementu ne´eba jornalista sira hafoin hasoru malu ho Prezidenti Republika, Jose Ramos-Horta hodi koalia situasaun no progressu governu, inklui OJE 2023 ne´ebe sei deskuti iha Parlementu Nasional fulan oin.

“Ida ne´ebe la gasta hotu ba fali kofre estadu,” deklara PM Taur, Kinta (13/10/2022), iha Palasiu Prezidensial, Bairo Pite, Dili.

Iha nia governasaun, PM Taur hateten, nia iha prinsipiu no defende ba ezekusaun OJE ne´ebe diak no gastu ba saida, laos ezekuta det.

Ba OJE 2023, Governu hatama ona proposta oramentu hamutuk biliaun US$ 3,16 ne´ebe Ministru Finansas, Rui Augusto Gomes akompaña husi Ministru Asuntu Parlamentár no Komunikasaun Sosiál, Francisco Jerónimo, Vise-Ministru Finansas, António Freitas no tékniku sira husi Ministériu Finansas, entrega ba Parlamentu Nasional iha 3 Outubru 2022 ba Prezidente Parlamentu Nasionál, Aniceto Longuinhos Guterres Lopes.

“Proposta Lei OJE 2023 ho lema “Investimentu Produtivu no Kresimentu Inkluzivu ba Jerasaun Futuru” ne’e aprezenta distribuisaun rekursu nasionál ne’ebé justu no ekuitativu hodi mellora prestasaun servisu, rekuperasaun ekonómiku no reziliénsia, promove kresimentu ekonómiku ida ne’ebé inkluzivu no sustentavel iha mediu prazu,” dehan Ministru Finansas, Rui Augusto Gomes wainhira entrega proposta OJE 2023.

OJE 2022 foin ezekuta 39.0%

Iha ezekusaun OJE 2022, tuir publikasaun portal transparensia governu foin atinji deit 39% ba ezekusaun OJE nian. Hosi total orsamentu orijin: US$ 3.223.455.231,45, ba Komprimisiu sira: US$ 243.693.235,20, Obrigasaun sira: US$135.406.299,11, atual: US$1.123.170.544,96, saldo US$1.721.185.152,18. (hare:budgettransparency.gov.tl/publicTransparency)

Hare ba ezekusaun kada ministeriu, Ministeriu Turismu, Komersiu no Industria ne´ebe lidera hosi Jose Lucas do Carmo da Silva iha nia ezekusaun orsamentu foin ezekuta 15.0% hosi total orsamentu US$ 106,003,356.00.

Ministeriu Solidariedade Sosial no Inkluzaun (MSII) ne´ebe lidera hosi Armanda Berta dos Santos ne´ebe mos asumi kargu nuúdar Vise Primeiru Ministru iha tabela ezekusaun orsamentu foin ezekuta 17,9% hosi total orsamentu US$ 91,288,015.00.

Alende ne´e iha tabele mos hatudu Sekretaria Estadu Koperativa foin atinji 18.0% ba nia ezekusaun orsamentu ne´ebe iha total US$ 44,605,547.00

Entertantu ministeriu hat (4) konsege ezekuta ona nia oramentu liu porsentazem 84 ba leten. Ministeriu sira ne´e maka Ministeriu Petroleu no Minerais (MPM) ho 87,5%, Ministeriu Obras Publiku (MOP) 86%, Ministeriu Administrasaun Estatal (MAE) 85,6% no Ministeriu Negosiu Estranjeiru no Kooperasaun (MNEK) 84,3%.

Ezekusaun OJE 2022 hosi Tabela Ministeriu Sira;

1. MPRM 87,5% (Total OJE ne´ebe iha US$   82,620,903.00)
2. MOP 86,7%    (Total OJE ne´ebe iha US$ 219,084,915.00)
3. MAE 85,6%    (Total OJE ne´ebe iha US$ 129,999,958.05)
4. MNEK 84,3.0%      (Total OJE ne´ebe iha US$   25,684,687.00)
5. MCLN 79,3%  (Total OJE ne´ebe iha US$ 104,684,114.00)
6. MESCC 78,3%(Total OJE ne´ebe iha US$     5,379,350.00)
7. MS 73,1%         (Total OJE ne´ebe iha US$   52,181,675.00)
8. MPCM 72,8% (Total OJE ne´ebe iha US$     4,717,347.00)
9. MKAE 69,5%  (Total OJE ne´ebe iha US$     2,103,170.00)
10. MTC 67,8%     (Total OJE ne´ebe iha US$   12,304,455.00)
11. MPO 66,5% (Total OJE ne´ebe iha US$ 6,480,851.00)
12. MD 66,1%       (Total OJE ne´ebe iha US$   44,311,964.00)
13. MJ 65,8%       (Total OJE ne´ebe iha US$   12,770,094.00)
14. MI 62,7%        (Total OJE ne´ebe iha US$   80,172,443.00)
15. MEJD 61,8% (Total OJE ne´ebe iha US$   93,673,908.00)
16. MAPKOMS 61,3% (Total OJE ne´ebe iha US$ 9,066.076)
17. MF 57,8%      (Total OJE ne´ebe iha US$   29,869,289.00)
18. MAP 45,9%   (Total OJE ne´ebe iha US$   28,146,268.00)
19. MSSI 17,9%   (Total OJE ne´ebe iha US$   91,288,015.00)
20. MTCI 15.0%       (Total OJE ne´ebe iha US$ 106,003,356.00)

Ezekusaun OJE 2022 tuir Sekretaria Estadu nia orsamentu:

1. SEPC 83,8% (Total OJE ne´ebe iha US$ 550,152.00)
2. SEAK 80,1% (Total OJE ne´ebe iha US$ 1,323,499.00)
3. SEAKLN 79,2% (Total OJE ne´ebe iha US$ 103,692,674.00)
4. SEPFOPE 78.0% (Total OJE ne´ebe iha US$ 4,815,221.00)
5. SECOMS 75,6% (Total OJE ne´ebe iha US$ 2,721,480.00)
6. SEP 74,2% (Total OJE ne´ebe iha US$ 473,864.00)
7. SETP 71,6% (Total OJE ne´ebe iha US$ 134,388.00)
8. SEJD 63,8% (Total OJE ne´ebe iha US$ 6,933,318.00)
9. SEII 62,3% (Total OJE ne´ebe iha US$ 2,027,440.00)
10. SEA 32,2% (Total OJE ne´ebe iha US$ 5,085,546.00)
11. SEC 18.0% (Total OJE ne´ebe iha US$ 44,605,547.00)