EUA ho Espana Prontu Apoia Dezenvolve Ekonomia Timor-Leste

DILI, www.news-viptv.com  – Primeiru Ministru Kay Rala Xanana Gusmao iha Tersa (16/7/2024) simu vizita husi Embaixadora Estadu Unidos Amerikanu, Dona Ann Welton no Embaixador Espana, Francisco Aguillera.

PM Xanana simu uluk vizita husi Embaixadora Donna Welton, hafoin entrega kredensial ba Prezidenti Republika, Jose Ramos-Horta nu’udar embaixadora foun Estadu Unidos Amerikanu ba Timor-Leste.

Iha inkontru, PM Xanana ne’ebe akompana husi Ministra Financas Santina Cardoso ho Embaixadora Donna Welton koalia kona ba kooperasaun entre Estadu Unidos Amerikanu no Timor-Leste ne’ebe lao ona durante ne’e, liliu iha assistensia dezenvolvimentu no diversifikasaun ekonomia.

Entertantu iha loron hanesan, PM Xanana mos halo inkontru ho Embaixador Espana, Francisco Aguillera ne’ebe vizita Timor-Leste hodi hare kooperasaun ne’ebe Espansa bele apoia Timor-Leste.

Iha kooperasaun bilateral, Espana pronto apoia Governu Timor-Leste iha nia prioridade governasaun, inklui objetivu ekonomia nia.