Embaixador Costello: Submarinu Enerjia Nuklear Responde ba Ambiente Estratejiku

DILI, www.news-viptv.com – Relasiona ho projetu Submarinu Enerjia Nuklear ne´ebe Australia, Reinu Unidu no Estadu Unidos Amerika (AUKUS, sigla English) ne´ebe nasaun tolu ne´e sei dezemvolve, Embaixador Australia ba Timor-Leste, Bill Costello informa katak projetu submarinu enerjia nuklear ne´e hodi responde ba ambiente estratejiku nian.

“Hau nia vizita ohin ho enkaragadu EUA ho hau nia adidu defeza ho objetivu hodi informa anunsia importante ba prezidente (PR Horta, red) sobre futuru koperasaun ne´ebe prezidenti EUA, primeiru ministru Australia, no primeiru ministru Reinu Unidu halo ba dezemvolvimentu defeza Australia nian. Kapasidade hodi opera submarinu enerjia nuklear konvensionalmente,” dehan Embaixador Costello ba jornalista sira, Kinta (16/3/2023), iha Palasiu Prezidenti Dili.

Australia iha planu longu prazu, esplika Embaixador Costello, sei opera submarine enerjia nuklear hodi responde ambiente estratejiku iha rejional nian.

“Ami parseira ho EUA no Reinu Unidu hodi dezemvolve kapasidade opera submarinu refere ho seguru no garantidu,” nia esplika.

Hafoin anunsia AUKUS nia politika ba Submarinu Enerjia Nuklear, Indonesia nu´udar nasaun bo´ot ida iha rejiaun indo-pasifiku no asumi hela pozisaun prezidensia ASEAN, iha twitter Ministeriu Negosiu Estranjeiru Indonesia nia deklara “Esforsu hodi mantein estabilidade rejional no paz sai responsabilidade nasaun hotu. Importante ba nasaun hotu hodi hola parte iha esforsu ne´e.

Iha anunsia konjunta, Segunda (13/3/2023), Prezidenti EUA Jose Biden, Primeiru Ministru Reinu Unidu Rishi Sunak no Primeiru Ministru Australia Anthony Albanese esplika kona ba faze Australia hodi hetan submarinu enerjia nukler. Australia sei iha 3-5 submarinu enerjia nuklear klase Virginia hosi EUA iha inunsiu 2030.

“Submarinu ho enerjia nuklear, laos submarinu ho armas nuklear,” deklara Jose Biden.

Bazeia ba tratadu Non-proliferasi Nuklear (NPT) Australia laos nasaun ne´ebe iha armas nuklear, tamba ne´e Australia labele iha no dezemvolve armas nuklear.