Ema nain 80 Mate hafoin Ataka Aereo iha Myanmar

DILI, www.news-viptv.com  – Ema nain 80 mate hafoin ataka aereo junta militar Myanmar ba konsertu ida iha area Kachin, sede grupu etnia rebelede nian, Domingu (23/10/2022).

Membru ida hosi ekipa resgate Myanmar relata katak kantador no tokador ne´ebe priense konsertu ne´e inklui entre nain 80 ne´ebe mate iha ataka refere. No ida ne´e nu´udar numeru barak iha ataka aereo nian desde golpe akontese tinan kotuk.

Associated Press relata katak ataka refere akontese wainhira grupu rebelde organizasaun independensia Kachin komemora hela loron aniversariu sira nian ho realiza konsertu. Selebrasaun refere mos hodi selebra kampana organizasaun hodi husu autonomia ba sira nia area.

Portavoz assosiasaun artista Kachin hateten katak aviaun militar Myanmar hatun sira nia bomba haat wainhira konsertu lao hela iha tuku 8 kalan oras Myanmar.

Tempu ne´eba iha ema 300-500 ne´ebe hol aprezensa ba konsertu ne´e. Sira halai runggu-rangga no dezena vitima maka mate.

Sasin balun esplika grande explosaun akontese iha tuku 8.30 kalan.

Sejumlah saksi mata menuturkan ledakan besar terdengar sekitar pukul 20.30 waktu setempat di lokasi kejadian. Edifisiu sira no infraestrutura seluk hetan destrusaun tamba ataka aereo ne´e.

Edifisiu informasaun junta militar Myanmar konfirma katak sira lansa duni ataka ba sede Brigada Dasia Forsa Independensia Kachin.

Tuir sira, ataka refere nudar “operasaun ne´ebe nesesita” nudar resposta ba asaun “terorista” ne´ebe lansa hosi grupu Kachin.

Junta Militar Myanmar desmente informasaun ne´ebe dehan militar bomba konsertu refere no laiha artista no ema sivil ne´ebe mate iha ataka ne´e.

AP relata maizemenus ema nian 80 mate tamba insidente refere, maibe BBC relata maizemenus ema nain 50 ne´ebe mate no ema atus ba atus seluk kanek tamba bomba refere.

Ironia tan, Junta militar impede vitima hosi ataka aereo ne´e lori ba ospital hodi hetan tratamentu.

Nasoens Unidas kondena makas ataka aereo ne´ebe hamate ema barak desde golpe tinan kotuk.

“Asaun forsadu ho uza forsa ne´ebe barak no la proposional hosi forsa seguransa Myanmar ba ema sivil ne´ebe laiha armas labele simu,” dehan ONU iha nia deklarasaun.

Iha deklarasaun konjunta, xefi misaun diplomatiku iha Myanmar inklui Australia, Inglatera, Estadu Unidos Amerikanu no Uniao Europeia “husu responsabilidade rezime militar ba krizi no instabilidade…no hases ona nia dever atu proteje ema sivil.

Ataka ne´e mos akontese wainhira ministru negosiu estranjeiru membru ASEAN  sira atu realiza inkontru iha semana ne´e kona ba krizi iha Myanmar.