banner 728x250

Dili Livre Tama-Sai Munisipiu, Numeru Ativu Tuun Makas

  • Share
Ministra Saude, dra. Odete Maria Freitas Belo fo vasina ba komunidade sira iha Suku Talimoro, Postu Administrativu Ermera, Munisipiu Ermera. Photo: Dok. Ministeriu Saude
banner 468x60

DILI, news-viptv.com – Desde governu hakoru Serka Sanitaria iha Kapital Dili no ha-livre movimentu tama-sai hosi munisipiu balun, numeru ativu COVID-19 mos hahu tuun makas.

Koordenador Forsa-Tarefa ba Prevensaun no Mitigasaun Surtu COVID-19, Dr. Rui Maria de Araujo iha komunikadu imprensa ne’ebe publika iha 4 Outubru 2021, relata numeru ativu kazu COVID-19 atual 549, maski kontinua rejista hikas ema nain 10 maka pozitivu tan.   

banner 336x280

“Númeru kazu detetadu foun reduz tan, kompara ho horiseik, kazu rekuperadu barak liu kazu detetadu foun. Númeru óbitu 0 (zero). 93,2% (110/118) husi ema ne’ebé mate ho/tan bá COVID-19, seiduak vasina kompletu. Númeru ema ne’ebé hala’o tratamentu ospitalizadu reduz tan, kompara ho horiseik,” informa Dr. Rui Araujo iha komunikadu imprensa.

Numeru kazu ativu ne’e rejista hosi Munisipiu Dili: iha ema nain 2, Baucau 6 no munisipiu seluk iha nain 2.

Iha sala izolamentu, hosi nain 25 ne’ebe hetan tratamentu ema nain 5 ho kondisaun grave no moderadu 15 ho leve nain 5.

Totál komulativu kazu konfirmadu ne’ebe Timor-Leste rejista desde Marsu 2020 to’o ohin loron hamutuk 19.592.

Óbitu iha Timor-Leste 118.

banner 336x280
Writer: NEVES, AngelinaEditor: MEILANA, Evangelisto Santos
banner 120x600
  • Share

Leave a Reply

Your email address will not be published. Required fields are marked *