CNRT Rejista Ona Ramos Horta ba Eleisaun Prezidensial

DILI, www.news-viptv.com – Partido Congresso Nascional da Recontrução de Timor (CNRT) rejista ona Jose Manuel Ramos Horta nudar kandidatu Prezidenti Republika hodi kompete iha Eleisaun Prezidensial 19 Marsu 2022.

Rejistu Kandidatura Ramos Horta nian ne’e reprezenta hosi Vise Prezidenti Partidu CNRT, Tomas Cabral ne’ebe lori ona dokumentu kartaun eleitoral apoiante sira kuaze 10 mil liu no simu ona hosi Tribunal rekursu.

Partidu CNRT iha nia konferensia nasional desidi ona Ramos Horta nudar kandidatu Prezidenti Republika hosi CNRT nian.

Iha fatin hanesan, Felizberto Araujo Duarte rejista mos nia an hodi kandidata an ba Prezidenti Republika nune’e bele kompete iha Eleisaun Prezidensial nian.

Ho rejistu kandidatura rua ne’e ohin loron, Tribunal rekursu simu ona kandidatu Prezidenti republika nain 4. Kandidatu rua seluk ne’ebe rejista ona maka Angela Freitas no Milena Pires