Australia sei Haforte no Lori Timor-Leste Prosperiu Liu Tan

DILI, www.news-viptv.com – Ministra Negosiu Estranjeiru Australia, Penny Wong deklara Australia iha komitmentu no sei apoia Timor-Leste hodi alkansa nia objetivu sai nasaun forte no prosperiu liu tan.

Ministra ne´e mos informa, Governu Australia sei aumenta tan orsamentu addisional 20 miloens ba pakote covid 19.

Iha fatin hanesan, Ministra Negosiu Estranjeiru no Koperasaun, Adaljiza Magno konsidera Australia nudar parseiru desenvolvimento ne´ebe importante tebes ba desenvolvimento Timor-Leste.

Durante nia vizita, Ministra Penny Wong iha nia hasoru malu ho Presidenti republika, Jose Ramos Horta no Primeiru Ministru Taur Matan Ruak alende koalia kona ba hametin relasaun bilateral entre Timor Leste no Australia, koalia mos oinsa nasaun rua sei servisu hamutuk hodi hasae kresimentu ekonomia no mos hametin desenvolvimento ekonomia iha Timor-Leste.

Assuntu seluk ne´ebe koalia mos kona ba desenvolvimento Griter Sanrais, segurança marítima, mobilidade traballador ba Timoroan sira no apoia Australia ba adezaun Timor-Leste ba ASEAN no WTO.