banner 1000x250

Asumi loron 45, PM Liz Truss Rezigna A´an

  • Share
banner 728x90

DILI, www.news-viptv.com – Primeira Ministra Inglatera, Liz Truss rezigna an hosi nia kargu hafoin asumi deit loron 45.

“Hau labele kontinua mandatu ne´ebe Partidu Konservativu hili ona hau,” dehan PM Trusss iha deklarasaun ba nia rezignasaun.

banner 336x280

Iha deklarasaun imprensa, PM Liz informa, maski nia rezigna an ona hosi kargu primeira ministra nian, nia sei asumi kargu refere to´o ema ne´ebe troka nia eleitu iha semana oin.

Razaun PM Truss rezigna mos tamba ejijensia publiku tamba krizi oioin ne´ebe “haterus” Inglatera hafoin nia kaer poder.

Iha nia rezignasaun, PM Truss mos hato´o nia deskulpa ba politika laloos ne´ebe rezulta investidor barak halai sai hosi Inglatera no hamosu krizi ekonomia kontinua aat iha ameasa resesaun nian.

PM Truss asumi kargu PM iha 5 Setembru 2022. Truss asumi kargu PM, hafoin PM Borris Johnson mos rezigna an hosi nia kargu tamba skandal etika nian.

Wainhira asumi karge refere, Truss iha situasaun ne´ebe Inglatera hasoru situasaun ekonomia ne´ebe aat, aumenta kustu vida nian no kolaps atendementu saude nian, inklui hasoru problema ekonomia tamba funu Rusia ho Ukraina.

Iha nia mandatu, Truss promesa sei estabiliza situasaun ekonomia, hasaé seguransa enerjia nasaun no hadia atendementu saude nasional.

  • Share

Leave a Reply

Your email address will not be published. Required fields are marked *

error: Content is protected !!