Amu Papa Francisco Sei Vizita Timor-Leste iha 9-11 Setembru 2024

DILI, www.news-viptv.com – Arsebispu Metropolitano Dili, Dom Virgilio Cardeal do Carmo da Silva, SDB hamutuk ho Enkaragadu Santa Se iha Timor-Leste, Mgr. Marco Sprizzi informa katak Amu Papa Francisco sei vizita Dili, Timor-Leste iha 9-11 Setembru 2024.

Iha konferensia imprensa Dom Virgilio Cardeal informa katak parte Igreja Katolika nian halo ona kordenasaun ho Governu ba preparasaun simu vizita amu Papa Francisco tamba alende nu’udar xefi estadu Vatikanu nian, Amu Papa Francisco mo’os nu’udar lideransa global Katolika nian.

Jeralmente Amu Papa Francisco sei hasoru malu ho sarani Katolika sira iha Tasi Tolu ho grande misa no mos sei iha inkontru ho Prezidenti Republika Jose Ramos Horta, governante sira, politiku, reprezentante juventude sira, inklui komunidade defisiente sira.

Antes ne’e, Engkaragadu Embaixada Santa Se iha Timor-Leste, Mongsenyur Marco Sprizzi iha Kinta (11/4/2024) hato’o ona orariu vizita Amu Papa Francisco bai ha Prezidenti Republika Jose Ramos-Horta.

Antes vizita Timor-Leste, Amu Papa Francisco sei hahu nia vizita iha Indonezia, Nova Papua Nugini, Singapura no Vietnam.