Alkatiri: Haksolok Sei Mai Depois Eleisaun Jeral 2023

DILI, www.news-viptv.com – Eis Prezidenti Autoridade Rejiaun Administrativa Espesial Oe-cusse Ambeno (RAEOA), Mari Alkatiri deklara Ro Haksolok sei mai depois prosesu eleisaun jeral 2023.

“Bele mai ona, maibe mai laos prosesu eleitoral, maibe eleisaun hotu mak mai,” dehan Alkatiri ba jornalista sira hafoin hasoru malu ho Prezidenti Republika, Jose Ramos-Horta, Sexta (28/10/2022), iha Palasiu Prezidensial Bairo Pite, Dili.

Nia informa tan, “Haksolok rezolvidu ona. Prezidenti la foti tan problema ida ne´e, husu deit hau dehan rezolvidu.”

Iha 26 Outubru 2022, Prezidenti Autoridade RAEOA, Arsenio Bano hamutuk ho Mari Alkatiri vizita ba Portugal hodi hare deretamente konstrusaun Ro Haksolok, maski uluk Mari Alkatiri lansa on aro refere ba tasi laran iha 26 Maiu 2017 iha Sidade Figuera da Foz, Portugal no wainhira husik Ro Haksolok ba tasi, ro ne´e momento ne´eba informa sei to´o iha Outubru 2017.

Iha publikasaun Pajina offisial ZEESM-TL, loron 25 Outubru 2022, Arsenio Bano hateten, “Lo’os duni iha vídeo oioin ne’ebé sirkula iha media sosial, maibe buat ne’ebé fahe iha ne’eba la hanesan buat ne’ebe Há’u nia ekipa hare’e”.

“Ro Haksolok preenxe no satisfaz rekizitu hotu neebe impoem tuir padraun konstrusaun europeu, nune’e ita bele re-inisia prosesu kontrutivu,” eplika Arsenio Bano.

Ro  Haksolok governu sosa ho valor miliaun euro 13.7 (miliaun $ 14) hosi kompana Eagle Atlantic Ship Building.

Iha governasaun PM Taur Matan Ruak, governu tenki hasai tan osan addisional miliaun $ 14 ba konstrusaun Ró Haksolok.

Iha lansamentu Ro Haksolok, Dom Carlos Filipe Ximenes Belo no Madre Guelerminha sai aman no inan sarani ba ro haksolok no hola prezensa mos eis Ministru Transporte no Komunikasaun, Inacio Moreira

Ro ne´e ho kapasidade tula pasanjeiru hamutuk ema nain 377 no kareta hamutuk 22 halo ho nia naruk hitu nolu pontu tolu nolu metru no luan sanulu resin rua pontu nen nolu metru.