Karatedo 4 Timor-Leste Hakat ba Final

DILI, www.news-viptv.com – Atleta Karatedo Timor-Leste nain 4 hakat hotu ba final, hafoin manan sira nia adversariu iha loron dahuluk modalidade Karatedo XII Jogos Desportivos CPLP 2025, Kinta (24/7/2025) iha Ginasio Desporto de Dili.

Karatedo Timoroan nain 4 ne’e maka iha kategoria feto maka Melcia Gusmão (48 Kg) ho Maricha Mota (53 Kg), no Alexandre Nessi (55 Kg) ho Eugenio Soares (60 Kg).

Iha final Karatedo Timor oan sira sei hasoru karatedo Portugal maka Eugenio Soares versus Antonio Morais, Maricha Mota versus Leonar Alves, Melcia Gusmão versus Pineu Fernandes.

“Hau sei lori bandeira Timor-Leste sae iha kampiaun nian,” deklara Karatedo Alexandre Leona ba jornalista sira.

Andre Kevin nu’udar treinador prestasaun ne’ebe atleta sira hetan la ses husi disiplina no preparasaun ne’ebe durante ne’e lao desde Janineiru.

“Ami nia preparasaun fulan ne’en, espera aban sira sei hatudu diak liu tan ohin loron nian,” komentariu trenador ne’e.

Hamutuk iha nasaun 6 maka compete ba modalidade karate nian maka Timor-Leste, Portugal, Angola, Cabo Verde, Mozambique, no São Tome e Principe.