Horta Manan 59.39 % iha Ermera

GLENO www.news-viptv.com – Kandidatu Prezidenti Republika, Jose Ramos Horta sai vensedor ba eleisaun prezidensial Munisipiu Ermera nian ho porsentazem 59,39 % ho nia votantes 37.600.

Rezultadu ne’e fo sai hosi apuramentu final STAE nian ba Munisipiu Ermera, Domingu (20/3/2022) oras tuku 10 kalan.

Tuir kedan Ramos Horta maka Francisco Guterres Lu-Olo ne’ebe hetan deit votos 9.572 ho nia porsentazem 15,12 %.

Fatin datoluk nian hetan hosi Armanda Berta dos Santos ho votos 4.750 (7.50%) no Mariano Assanami Sabino ho votos 3.935 (6.22%)

Iha Munisipiu Ermera hamutuk iha votantes nain 82.381 ne’ebe rejistradu nudar eleitor. Maibe iha loron votasaun iha deit nain 65.153 maka fo nia votos.

Reportagem: Natalina Martins