Kazu Mutilasi iha Koiloko, Suspeitu Entrega An ona ba Polisia

AINARO, www.news-viptv.com – Komando Polisia Nasional Timor-Leste (PNTL) Munisipiu Ainaro deten ona suspeitu ho inisial EA ne’ebe oho no halo mutilasi ba vitima ho inisial MP ne’ebe akontese iha Sabadu (12/3/2022), iha Aldeia Koiloko, Suku Nunumoge, Postu Administrativu Hatu-Builico, Munisipiu Ainaro.

Tuir kronologia, Komandante PNTL Munisipiu Ainaro, Superitendente Assisitensi Polisia Mario Vitor da Costa esplika, kona ba kazu ne’e nia parte foin simu informasaun hosi komunidade iha oras 13.00 OTL iha Domingu (13/3/2022), ne’ebe informa akontese ona kazu oho malu.

“Depois de hetan informasaun ne’e komando Munisipio orienta kedas ba iha sefi Investigasaun ba iha fatin akontesemento hodi bele identifika no asegura informasaun, no membru sira iha fatin akontesementu sira foin informa no pasasa informasaun ba iha komando katak detekta ona mate isin ida ne’ebe maka identifika mate isin ne’e mate tamba ema tà ho asasidao tebes, isin lolon no liman ain hetan ta kotu hotu, no mate isin nia ulun fatuk hetan ketak husi ulun, no policia sira hare mate isin ne’e lolon latan hela hahu halo Buska kuaje Kilometro 1, iha area ne’eba ba iha dirasaun weste hetan duni mate isin nia ulun fatuk kahe hela iha Aì nia leten,” dehan Superitendente Assisitensi Polisia Mario Vitor ba VIP TV.

Hafoin prosesu investigasuan, polisia buka tuir suspeitu hodi hatene motivu saida maka akontese kazu ne’e.

“iha fatin akontesementu policia investigasaun halao kedas servisu hodi buka tuir suspeitu ne’e no suspeitu ne’e mai intrega an ba polisia no oras ne’e polisia halo ona kapturasaun ba iha prosesu investigasaun,” informa Superitendente Assisitensi Polisia Mario Vitor.

Nia esklarese tan, provizoriumente kazu ne’e akontese tamba odiu vigansa pasadu no mate isin vitima entrega ona ba familia hodi halo prosesu funeral.