19 Marsu, Xanana Konsidera Referedum 2 ba Povu Timor-Leste

AINARO, www.news-viptv.com –  Lider kharismatiku Timor-Leste atual Prezidenti Partidu CNRT, Kay Rala Xanana Gusmao konsidera Eleisaun Prezidensial 19 Marsu nudar redeferendum daruak ba povu Timor-Leste atu labele hili sala tan lideransa sira nune’e evita Timor-Leste monu.

Xanana deklara lia hirak ne’e iha Ainaro wainhira akompana komisiu kandidatu prezidenti republika Jose Ramos Horta, Kuarta (9/3/2022).

Gil Oan Suru, atual Sekretariu Estadu Veteranu ne’ebe sai mos orador iha komisiu Ramos Horta nian mos apela joventude Ainaro sira atu labele monu ba lasu lider partidu politiku balun no fo deit votus agora ba Ramos Horta atu hadia fali rai ne’e hamutuk ho Xanana Gusmão ba povu nia moris diak.

Entertantu Ramos Horta iha Ainaro kontinua hato’o nia programa principal ba povu Ainaro sira realsiona ho nia kandidatura ba prezidenti republika hodi hatur hikas estadu de direitu demokratiku tuir prinsipiu ne’ebe konsagra ona iha Konstituisaun RDTL.

Iha Ainaro, organizsaun klandestina FITUN sector B deklara nia votos konfiansa ba Ramos Horta atu tuur hikas iha palalasiu prezidensial nudar prezidneti republika.

Video Journalist: Justinho Mendonca VIP TV.