Xefi Estadu Kritika Prezensa F-FDTL iha Prosesu Eviksaun ba Rai Estadu

DILI, www.news-viptv.com – Relasiona ho eviksaun ba negosiante no komunidade sira iha Kapital Dili ne’ebe okupa rai estadu, Prezidenti Republika Jose Ramos Horta krtika prezensa Forsa Armada F-FDTL durante prosesu eviksaun.

Xefi Estadu hateten, F-FDTL la persiza hola prezensa iha prosesu eviksaun tamba servisu refere knar Polisia Nasional Timor-Leste nian.

Premiadu Nobel da Paz ne’e mos sujere ba governu atu bele husik nafatin Estrada balun atu negosiante kiik sira uza hodi halo negosiu maibe ho kondisaun.

Iha semana ne’e nia laran Governu liu hosi ekipa konjunta lina ministerais ne’ebe lidera hosi Sekretaria Estadu assuntu toponimia no organizasaun urbana halo ona eviksaun ba komunidade sira ne’ebe okupa rai estadu iha Bidau Santa-Ana, Bidau Senggol no Aitarak Laran.