Xefi Estadu Husu Governu Moderniza Setor Agrikultura

DILI, www.news-viptv.com – Hodi hasa’e produsaun rai laran, Prezidenti Republika Jose Ramos Horta husu ba governu atu moderniza setor agrikultura.

Hodi moderniza setor agrikultura, Xefi Estadu iha nia vizita ba Xina sei hetan akompanamentu husi Vise Primeiru Ministru assuntu Ekonomia, Francisco Kalbuadi Lay no Ministru Agrikultura, Peskas, Pekuaria no Florestal, Markus da Cruz atu halo koperasaun bilateral entre Xina ho Timor-Leste.

Nono Governu Konstitusional, esplika Ministru Markus, iha nia politika dezenvolvimentu setor agrikultura alende kontinua tau matan ba irigasaun, governu sei fahe trator ba agrikultor sira atu hasa’e produsaun hare’e rai laran hodi labele depende fos husi rai liur.

Membru governu ne’e mos informa, iha nia politika, governu sei promove agrikultura organiku.