Xanana Reprezenta Xefi Estadu iha Simeira Internasional Edukasaun ONU

DILI, www.news-viptv.com – Prezidente Repúblika, José Ramos-Horta, delega Líder Nasionál Kay Rala Xanana Gusmão hodi reprezenta estadu Timor-Leste bá Simeira Internasionál kona-ba Edukasaun ne’ebé sei hala’o iha ONU iha 19 Setembru 2022.

“Sim. Maun Boot Xanana bá simeira ida importante, Simeira kona-ba edukasaun iha 19 Setembru iha ONU, tanba ha’u iha komprimísiu iha ne’e, ha’u husu ba Maun Xanana par bele reprezenta estadu Timor-Leste, reprezenta Prezidente-da-Repúblika,” dehan PR Jose Ramos-Horta iha karta komunikaud imprena ne´ebe redasaun simu, Kuarta (14/9/2022).

Simeira Mundiál kona-ba Edukasaun sei partisipa husi Xefe Estadu no Ministru Negósiu Estranjeiru husi nasaun oi-oin.

Tuir Xefe Estadu, Kay Rala Xanana Gusmão sei atende respesaun iha loron 20 fulan Setembru ho Prezidente Estadus Unidos Amérika, Joe Biden.

Hafoin remata Simeira Mundiál Edukasaun iha Nasoens Unidas, Kay Rala Xanana Gusmão akompaña husi Ministra Negósiu Estranjeiru sei desloka bá Portugal hodi atende enkontru balun iha Lisboa.

Xanana Gusmão desloka ba rai liur ho aviaun Citilink no sei fila hikas mai Timor-Leste iha loron 5 fulan Outubru.