Vizita Timor-Leste, Embaixadora Norwegia Hasoru PM Xanana

Dili, www.news-viptv.com – Embaixadora Norwegia ba Indonesia no Timor-Leste Rut Krüger Giverin vizita Timor-Leste no hasoru Primeiru Ministru (PM) Kay Rala Xanana Gusmão, Tersa (17/10/2023), iha Palacio do Governo, Dili.

Iha hasoru malu ne’e, Rut Giverin esplika, PM Xanana koalia kona ba koperasaun entre nasaun rua no programa foun governasaun ne’ebe iha nia lideransa.

“Kontenti bele mai iha ne’e tan. Ne’ e hau nia vizita ba daruak iha Timor-Leste. Ohin hau hasoru PM no onra bo’ot ida ba hau bele halo inkontru ne’e hodi rona mos kona ba vizaun no planu governu foun nian, no difikuldade ne’ebe nasaun ne’e hasoru no enkoraja ba PM ba nia vizaun iha governu foun liliu ba dezemvolve nasaun ne’e iha investimentu ekonomia, no infraestrutura,” dehan Rut Giverin ba jornalista sira.

Embaixadora ne’e mos esplika, laiha programa foun ne’ebe nia koalia ho PM Xanana, maibe nia esplika katak dadauk ne’e Norwegia mos iha koperasaun ba programa deretu feto no violasaun sexsual.

Norwegia halo koperasaun bilateral ho Timor-Leste desde 20 Maio 2002.