Vitoria Deniel ho Delio iha Boxe, CNRT-FRETILIN Husu Governu Investe Makas ba Desportu

DILI, www.news-viptv.com – Euforia povu Timor-Leste ba vitoria ne’ebe hetan husi Boxista Deniel ho Delio, lori Bankada CNRT no FRETILIN husu ba governu atu investe makas no diak liu tan iha area desportu nian.

“Husi ida ne’e ita husu ba Governu atu tau atensaun, liliu atu halo dezenvolvimentu iha nivel desportu, atu tau ekipamentu sira ne’ebe mais moderna hodi promove ita nia joven sira nia talentu iha jogu boxing sira. Tamba ne’e, ita ezize ba Governu pelu menus halo investimentu ida ne’ebe diak ba futuru,” hateten Deputadu Bankada FRETILIN, Antoninho Doutel iha plenaria Parlamentu Nasional, Segunda (10/2/2025).

Prestasaun Deniel ho Delio, esplika deputadu ne’e, hatudu ona katak jovem Timoroan sira iha kualidade teknika professional iha Boxing nian no persiza tau atensaun husi governu hodi bele mos investe iha area modalidade desportu ne’e.

Nune’e mos Deputada Bankada CNRT, Gabriel Soares kongratula ba boxista Timoroan nain 2 ne’e ba prestasaun ne’ebe sira hetan iha deseju tebes tamba tamba joven nain rua ne’ebe mak foti tebes Timor nia naran iha mundu internasional.

Tuir Deputadu CNRT, Gabriel Soares imforma, Joven rua ne’ebe mak foti teb-tebes Timor nia naran morin iha Mundo internasional ,tamba tinju ne’ebe hala’o iha Indonezia ,tan ne’e parabens ba Timor-nia oan Parabens ba rai lafaek no rai timor leste.

“Ita deseju katak ita nia alin sira no dadauk boxing ne’ebe mak sirua hala’o fo Rezultadu diak bele hamorin Timor nia naran  no ida ne’e Diak tebes-tebes”.

Iha fatin ketak Ministru Juventude, Desportu, Arte no Kultura, Nelyo Isaac Sarmento ba jornalista sira mos fo parabens ba susesu ne’ebe Deniel ho Delio hetan iha eventu boxe ne’ebe realiza iha Denpasar, Bali, Indonesia.