VIP.TV Parseira Media ba ATKOMA, Sei Publika Fatin Turismu iha Atauro

  • Share

ATAURO, www.news-viptv.com – Assosiasaun Turismu Koleku Mahanak Atauro (ATKOMA) uniku assosiasaun ne’ebe tau matan ba dezemvolvimentu Turismu iha Munisipiu Atauro halo koperasaun ho Video Information Provider Television (VIP.TV) hodi halo promosaun turismu iha munisipiu foun ne’e.

Koperasaun ne’ebe ATKOMA halo ne’e hili VIP TV nudar parseiru media nian ho durasaun servisu durante tinan rua hahu 29 Abril 2022 to’o 30 Abril 2024.

banner 336x280

Hafoin asina memorandum intedementu, Prezidenti ATKOMA, Osaias Soares espera liu hosi publikasaun no notisias kona ba turismu ne’ebe publika iha VIP TV bele aument tan numeru turista ba Atauro.

SB: Osaias

Entertantu, Evangelisto Gantry dos Santos Meilana nudar CEO no xefi redasaun VIP TV hateten, nudar media online foun iha Timor-Leste senti kontenti no orgullu bele halo koperasaun ho ATKOMA hodi dezemvolve setor turismu iha munisipiu foun ne’e.

SB: Gantry

Iha fatin hanesan, Marcelina de Araujo Balamba nudar vise prezidenti fiscal, progressu diak tebes ba ATKOMA hafoin iha fulan hirak liu ba asina akordu ho Mission Aviation Fellowship no dadauk ne’e asina tan akordu ho VIP TV hodi habelar misaun no atividade ATKOMA nian.

SB: Marcelina

Iha koperasaun ne’e, ATKOMA ho VIP TV sei explora fatin turismu hotu iha Atauro ne’ebe durante ne’e fatin balun sedauk hetan publikasaun iha media.

ATKOMA harii iha hahu his Grupu Turismu atauro ho nia objektivu sai operador turismu ba atividade hotu relasiona ho atividade turismu. Dadauk ne’e ATKOMA tama on aba lideransa peridou daruak, ho nia prezidenti Osaias Soares ho nia vise prezidenti Avelino Fernandes no Mario Gomes, Sekretaria Veronica Baptista Gomes no Leocadia de Araujo nudar manajer finansas.

Reporter: Leonito de Fatima I Cameraman: Justinho Mendonca

  • Share

Leave a Reply

Your email address will not be published. Required fields are marked *