UNDP Sei Apoia Ekipamentu ba Eleisaun Parlamentar 2023

DILI, www.news-viptv.com – United Nation Development Program ou Programa Nasoens Unidas ba dezemvolvimentu sei apoia ekipamentu hirak ne´ebe persiza iha eleisaun parlamentar Timor-Leste nian iha tinan ne´e.

Hafoin hasoru malu ho Prezidenti Republika, Jose Ramos-Horta, Koordenadora Residendencia Edifisiu UN iha Timor-Leste, Funmi Balogun esplika ekipamentu prinsipal ne´ebe UNDP apoia maka tinta ba eleitor sira.

Alende koalia asuntu eleisaun nian, iha assuntu rua seluk ne´ebe nia koalia ho xefi estadu alende assuntu eleisaun nian, no mos nia parte koalia kona ba empregu jovem nian no mos konferensia dalima ONU nian kona ba pais menus dezemvolvidu ne´ebe sei realiza iha fulan Marsu iha Doha, Qatar.

Konferensia ne´e hanesan oportunidade dala ida iha dekada ida hodi halais dezemvolvimentu sustentabilidade iha fatin ne´ebe apoia internasional persiza duni apoia no hodi ajuda pais menus dezenvolvidu hodi lori mudansa ba dalan prosperiedade.