Timor-Leste Uma Nain ba Jogos Desportivas CPLP 2025

Tuir publikasaun pajina MJDAK, Kandidatura Timor-Leste nian hodi sai uma nain ne’e aprezenta dereta hosi Ministru Juventude, Desportu, Arte no Kultura, Sua Excellensia Sr. Nelyo Isaac Sarmento iha Konferensia Ministru Juventude no Desporto (CMJD) nasaun membru CPLP ba dala XIV hetan votos unamidade hosi nasaun membru sira hanesan Angola, Brasil, Cabo Verde, Guinne-Bissau, Guinne Equtorial, Mozambique, São Tome e Principe, no Portugal lha konferensia ne’ebe realiza iha Luanda-Angola, Kinta (30/11/2023).

“Iha konferensia ne’e, Timor-Leste hakarak no prontu sai uma nain ba jogos desportu CPLP nian,” deklara Nelyo Isaac Sarmento.

Hafoin deklara kandidatura, Diretor Nasional Desportu MJDAK, Cesario da Silva halo kedan aprezentasaun ba preparasaun teknika Timor-Leste nian ne’ebe iha jogos ne’e sei iha kompetisaun ba modalidade 9, Atletismu, Basket Bal 3×3, Voley Ball Praia, Tenis Kampu, Futebol, Taekwondo, Karate no Xadres, inklui mos iha atletismu paralimpiku.

Realiza jogos ne’e sei implementa iha 17-27 Jullu 2023.

Entertantu Secretario Estado Juventude no Desportu Portugal, João Paulo Correia iha konferensia ne’e hato’o Portugal sei fo apoia teknika ba Timor-Leste ba jogo desporto ne’e.

“Teknikamente, Portugal prontu atu apoia tekniku ba realizasaun jogu refere ba susesu Timor-Leste nian,” nia dehan.

Konferensia Ministru Juventude no Desportu CPLP ne’e lidera hosi Ministra Juventude no Desportu hosi São Tome e Principe nu’udar presidensia ba CMJD, Eurídice Borges Semedo Medeiros.