Timor-Leste Realiza Timor Island Adventure 2024

DILI, www.news-viptv.com – Timor-Leste ho inisiativa husi Prezidensia Republika kolaborasaun ho IX Governu Konstitusional servisu hamutuk ho Autoridade Belu no Malaka, Provinsia Nusa Tenggara Timur (NTT) Indonezia, realiza Timor island Adventure (TIA) 2024.

“Eventu prestijiadu ida-ne’e hatudu kompromisu atu promove turizmu desportu internasionál no hametin ligasaun rejionál sira. Trajetu korrida nian dezeña ho kuidadu hodi hatudu beleza naturál no patrimóniu kulturál tantu Timor-Leste no Indonézia nian,” hakerek publikasaun hosi pajina FB official Presidência da República de Timor-Leste.

Prezidénsia Repúblika Timor-Leste, iha kolaborasaun ho IX Governu Konstitusionál, ho haksolok fó sai kona-ba Aventura Illa Timor ne’ebé sei mai, eventu siklismu prestijiadu ida durante loron neen ne’ebé atravesa Timor-Leste no Indonézia.

Inisiativa desportu transfronteira ne’e hatudu parseria forte entre nasaun rua no hatudu mos paizajen furak sira iha Illa Timor.

Aventura Illa Timor sei hala’o iha loron 8-13 Dezembru 2024 liuhosi etapa dezafiante neen. husi Fulan Fehan iha Belu, Indonézia to’o Munisípiu Baucau iha Timor-Leste. Iha Siklista ne’ebé rejistadu hamutuk 54 husi Timor-Leste, Indonézia no Austrália.

“Eventu ne’e offisialmente sei hahu iha 8 Dezembru iha Fulan Fehan Atambua, Kabupaten Belu, NTT-Indonezia,” dehan Joel Maria Pereira, Koordinator ba TIA 2024 ba VIP TV via whatsApp.

Detallu Oráriu:

Etapa I: 8 Dezembru 2024 | Fulan Fehan (BELU) ba Betun, Pantai Loodik (Malaka)

• Distánsia: 83.6 km
• Aumentu iha elevasaun: metru 1,995
• Hahú Korrida: 07:15

Etapa II: 9 Dezembru 2024 | Betun, Malaka ba Suai Loro (COVALIMA)

• Distánsia: 109 km
• Aumentu iha elevasaun: 233 metru
• Hahú Korrida: 07:00

Etapa III: 10 Dezembru 2024 | Suai Loro (COVALIMA) ba Loak (MANUFAHI)

• Distánsia: 72.67 km
• Aumentu iha elevasaun: metru 751
• Hahú Korrida: 07:00

Etapa IV: 11 Dezembru 2024 | Loak (MANUFAHI) ba Aubeon, Natarbora (MANATUTO)

• Distánsia: 67.2 km
• Aumentu iha elevasaun: 208 metru
• Hahú Korrida: 07:00

Etapa V: 12 Dezembru 2024 | Aubeon, Natarbora (MANATUTO) ba Loihuno, Ossu (VIQUEQUE)

• Distánsia: 67.6 km
• Aumentu iha elevasaun: 455 metru
• Hahú Korrida: 07:00

Etapa Finál: 13 Dezembru 2024 | Loihuno, Ossu (VIQUEQUE) ba Baucau

• Distánsia: 61.3 km
• Aumentu iha elevasaun: metru 1,106
• Hahú Korrida: 07:00
• Grande Serimónia Enseramentu: 18:00-19:00