banner 728x250

TIMOR-LESTE IHA PROGRESSU BA DIREITU HUMANUS

  • Share

DILI, www.news-viptv.com – Estadu Unidos da Amerika fiar katak eleisaun prezidensial Timor-Leste tinan oin sei lao tuir norma demokrasia no tenki respeitu prinsipiu direitu umanus.

Engkaragadu Negosiu Embaxada Estadu Unidos da Amerika, Tom Daley hato’o lia hirak ne’e iha Forum KLABIS ne’ebe halo ho jornalista Timoroan sira, Sexta (10/12/2021), iha Embaixada EUA, Dili.

banner 336x280

Tuir Tom Daley, media mos iha papel importante iha prosesu eleisaun prezidensial ne’e hodi sai ponte informasaun ba festa demokrasia refere. Inklui sei konvida media hosi EUA hodi halo kobertura.

Iha Forum KLABIS ne’e, Tom Daley mos fahe informasaun kona ba simeira Direitu Umanu ne’ebe Prezidenti Joe Biden halo durante loron 2 iha 9-10 Dezembru ne’ebe halo virtualmente no hetan partisipasaun hosi lider estadu nasaun lubuk ida. Iha Simeira Direitu Umanus ne’e, iha mos sesaun id aba joventude sira ne’ebe Timor-Leste mos hola parte ba simeira ne’e no reprezenta hosi Natalino Guterres nudar lideransa jovem ida ne’ebe sai mos defensor ba komunidade LGBT Timoroan sira.

Nia mos hateten, Estadu Unidos Amerika orgullu ba progressu direitu umanus iha Timor-leste no sei kontinua nia komitmentu ba koperasaun iha setor justisa, inklu haforsa servisu media sira iha disiminasaun informasaun ba asuntu direitu umanus.

  • Share

Leave a Reply

Your email address will not be published. Required fields are marked *