Simu ona Vasina Booster, Kandidata PR Isabel Ferreira Pozitivu COVID-19

𝐃ILI, www.news-viptv.com – Kandidata Prezidenti Republika (PR), Dra. Isabel da Costa Ferreira ne’ebe simu ona vasina datoluk ou booster, pozitivu SARS-COV-2 ou COVID-19.

Informasaun kona ba Kandidata PR Isabel Ferreira pozitivu COVID-19 ne’e publika liu hosi komunikadu imprensa hosi Gabinete Primeiru Ministru ne’ebe publika kona ba Primeiru Ministru (PM) Taur Matan Ruak adi’a nia vizita ofisial ba Australia hafoin pozitivu SARS-COV-2 ou COVID-19.

Tuir ajenda, PM Taur ho nia espoza iha Kuarta (9/2/2022). Maibe, hafoin halo teste SWAB iha loron 07 no loron 08 fulan-febereiru tinan 2022 ne’ebé fó sai iha tersa loraik ne’e, konfirma Xefe Governu ho nia espoza Dra. Isabel da Costa Ferreira, pozitivu SARS-COV-2.

“Maske pozitivu COVID-19, maibé Xefe Ezekutivu ho espoza iha kondisaun saúde di’ak hela, no tuir rekomendasaun médiku, Xefe Governu presija deskansa iha uma tuir protokolu saúde nian hodi hein teste tuir mai,” hakerek komunikadu imprensa ne’ebe publika hosi Gabinete Primeiru Ministru, Tersa (8/2/2022).

Kona-ba pedidu adia vizita ne’e, Xefe Governu komunika ona ho Ministra Negósius Estranjeirus no Kooperasaun, Adaljiza Albertina Xavier Reis Magno atu komunika formalmente ba iha parte Governu Austrália nian. Vizita oficial sei ajenda fali ba tempu oportunu.

Kandidata PR Isabel Ferreira ho PM Taur (nia kaben) hamutuk ho família no eskoltu sira, iha sesta-(28/1/2022) simu ona vasina doze datoluk (booster) nu’udar meius ida atu proteje an hosi propagasaun COVID-19 liuliu variante Omicron ne’ebé daudaun ne’e da’et maka’as iha País vizinu sira.

Desde semana ru ania laran, numeru pozitivu COVID-19 sa’e makas no tuir publikasaun Ministeriu Saude, Segunda (7/2/2022), iha tan kazu pozitivu foun hamutuk nain 98 no total kazu ativu dadauk ne’e iha 611.

Total komulativu kazu konfirmadu Timor-Leste nian iha ona 20.501 no 122 maka relata mate tamba COVID-19.