SEFOPE Sei Harii Sentru Lian Ingles no Koreia iha Kada Munisipiu

Dili, www.news-viptv.com – Sekretaria Estado da Formacao Profisional e Emprego (SEFOPE) planu ona sei harii Sentru Lian Inglesh no Koreia iha kada munisipiu. 

“Ami hakarak hateten, ita-boot sira ne’ebé mak liu, ne’e ita-boot sira-nia sorti, ne’ebé mak la liu, ita-boot sira sei iha oportunidade, ita sei prepara formasaun lian-Inglês no lian-Koreia iha kada munísipiu, ita sei servisu hamutuk ho PLF hodi ba entrevista ita-boot iha sentru formasaun ne’ebé mak hari iha munísipiu,” dehan Sekretariu Estadu SEFOPE, Rogerio Mendonça, Segunda (21/8/2023), iha Pantai Kelapa, Dili wainhira  halo intervensaun loke teste oral lian Inglesh ba kandidatu traballador Australia nain 2.508 ba vagas PALM (Pacific Australia Labor Mobility) ne’ebe foin lais ne’e liu ona selesaun dokumentu hamutuk 55.000 ne’ebe aplika liu hosi Sistema online.

Ba kandidatu traballador sira, membru governu ne’e e esplika atu labele tauk tamba siora ne’ebe halo teste mai kedan hosi Australia ne’ebe kria komisaun independente hodi garante transparansia no akontabilidade iha prosesu refere.

Ba teste loron dahuluk, komisaun bolu deit kandidatu traballador nain 210.

Partisipa iha abertura teste lian-Inglês ba kandidatu ne’e mak hanesan Diretór Jerál, Paul Alves, Diretór Diresaun Nasionál Empregu Exterior, Filomeno Soares, Reprezentante Embaixadór Austrália, Penny Roberts, no Jestór PLF, Geraldo Ximenes.