SECOMS Fo Formasaun Protokolu no Ofisial Media Ministeriu

DILI, www.news-viptv.com – Hodi hasa’e konesementu ba protokolu no ofisial media ministeriu sira, Sekretariu Estadu Komunikasaun Sosial (SECOMS) fo formasaun ba protokolu no ofisial media sira hodi transmite informasaun ba atividade ministeriu nian.

Sekretariu Estadu SECOMS, Expedito Dias Ximenes hateten servisu protokolo no ofisial mendia sira hanesan mos jornalista sira, maibe hare liu ba parte Governo nian. Tamba ne’e,  enkuantu dalabarak ministru balun koalia sala, ne’e problema husi ofisial media sira.

“Protokolo ho ofisial media sira laiha diferensia no antes Ministru atu halao atividade ruma, ofisial media sira mak tenke resposabiliza hodi fahe ajenda ba jornalista sira no mos prepara dadus ruma ba Ministru sira antes atu koalia ho nune’e waihira Ministru sira koalia sala nee kestaun ofisial media sira nian, tamba ne’e sira tenke prepara didiak ou kolabora ho Ministru sira,” informa Expedito ba jornalista sira iha salaun reunian Palacio do Governo, Segunda (23/10/2023)

Nia mos fo hanoin ba protokolu no ofisial media sira tenki iha ekipamentu gravasaun atu nune’e bele sai provas ba publikasaun notisias hodi media sira wainhira iha buat balun lalos, bele husu ratifikasaun.

“Ofisial media sira iha papel hodi foti gravasaun wainhira Ministru sira koalia no wainhira Media/Jornalista sira publika notisia balun sees husi Ministru nia kolia, ofisial media sira tenke husu halo ratifikasaun ou halo direita de resposta. Tamba ne’e ofisial media sira tenke akompana sira nia Ministru waihira koalia atu nune’e bele halo avaliasaun ho media sira,” nia hateten.