Seabees EUA Harii Sala Pre-Eskolar Maubara ho US$ 220,000

MAUBARA, www.news-viptv.com – Forsa Naval Estadu Unidos Amerika (EUA) Seabees gastu osan US$ 220,000 hodi harii sala rua ba pre-eskolar ida iha Maubara, Munisipiu Liquisa.

Sala rua iha eskola refere inaugura ona iha Segunda (9/5/2022) hosi Enkaregadu Negósiu Embaixada EUA, Tom Daley no reprezentante husi Ministériu Edukasaun, Juventude no Desportu. Inaugurasaun ne’ e marka projetu 104 ne ‘ebé mak kompleta ona husi Seabees iha Timor-Leste.

“Laiha indikasaun di’ ak liu kona-ba ami-nia kompromisu ba ami-nia amizade ne ‘ebé metin ho Timor-Leste duké loke eskola ne’e. Forsa Naval EUA Seabees ho fuan no laran tomak halao projetu ne ‘e, durante oras barak nia laran no uza padraun seguransa ne’ ebé a’as no seguru hodi ajuda Timor-Leste harii futuru ida ne ‘ebé diak liu ba lider jerasaun foun sira tuir mai,” hateten Enkaregadu Negósiu, Tom Daley iha komunikadu imprensa ne’ebe redasaun simu hosi Media no Relasaun Publika Embaixada EUA iha Timor-Leste.

Fasilidade foun ho valor liu US$ 220,000 ne’ e sei benefisia estudante 60 resin. Forsa Naval EUA Seabees harii no reabilita ona projetu liu 100 ho valor liu millaun US$ 50 durante tinan 13 nia laran.