banner 1000x250

Ps. Ernesto da Costa, S.Th: Ema Moris Laos ho Paun Deit, Persiza mos ho Maromak Nia Lia Fuan

  • Share
banner 728x90

DILI, www.news-viptv.com – Maibe nia hataan,”Iha Livru sagradu hakerek, “Ema kriatura laos moris hosi paun deit, maibe ema persiza mos Maromak nia liafuan no moris tuir Maromak Nia hakarak,”

Ps. Ernesto da Costa, S.Th

Ne´e maka Jesus Kristu nia lia fuan iha Mateus 4:4 ne´ebe Pastor (Ps). Ernesto da Costa, S.Th prega ba sarani sira iha kultu domingu Igreja Bethel Timor-Leste Mota Jordão Salva Klamar (IBTL-MJSK), Domingu (4/9/2022), iha Bebonuk, Dili.

banner 336x280

Nu´udar sarani Jesus Kristu nian, Ps. Ernesto da Costa, S.Th hateten, tenki metin nafatin tuir Jesus Kristu nia dalan, liliu iha vida moris lor-loron tenki lee bebeik liafuan Maromak nian ne´ebe hakerek ona iha bíblia.

“Ita persiza fo han ita nia klamar ho Maromak nia liafuan, tambá nu´udar ema criatura hanesan Jesus hateten, ema moris laos ho paun deit, maibe persiza mos ho Maromak nia liafuan. Atu nune´e ita nia moris kontinua hetan protesaun hosi Nai Jesus Kristu,” dehan Ps. Ernesto.

Jesus Kristu nu´udar Maromak deit wainhira halo jejum durante loron 40 no kalan 40 nolu no ikus mai Nia (Jesus) hamlaha Santanas koko Nai Jesus, nu´udar ema kriatura diabu sira mos sei la nonok atu bo´ok ema kriatura sira atu nune´e bele monu iha pekadu.

“Maibe wainhira ita moris tuir Nia Jesus nia hakarak, hanesan uluk depois Jesus lakohi rona diabu sira nia hakarak, no diabu sira husik tiha Jesus, ikus anju sira mai servi Nia (Jesus). Liafuan Maromak nian ne´e ita bele hare iha Mateus 4:11. Wainhira ita metin iha Jesus, Jesus mos sei haruka nia anju sira servi ita,” dehan Ps. Ernesto.

Ho situasaun moris lor-loron, problema mosu oi-oin, tentasaun mai bebeik, diabu sira tenta nafatin lori jovem sira ba atividade la diak do´ok hosi Maromak nia liafuan, baku malu, oho malu, maibe nu´udar Maromak nia oan sira, hare´e ba situasaun hanesan ne´e mos tenki prega Maromak nia liafuan sira ba ema ne´ebe sedauk konese Nia Jesus nia dalan.

Pastor ne´e mos husu ba sarani sira atu labele persiza Maromak wainhira iha problema deit, moras, persiza servisu deit, no seluk tan.

“Bainhira Maromak hatun nia bensaun, ita diak ona, hetan servisu ona, problema mos rezolvidu, depois ita do´ok hosi Maromak, haluha tiha saída maka Maromak fo ona mai Ita, ne´e kuidadu, Jesus lakohi ita halo sala tan, satan halo bebeik pekadu. Hanesan Maromak nia liafuan iha João 8:11 Jesus la kastigu feto ida ne´ebe mestre relijiaun no ema Farizeu sira lori ba Jesus atu fo kastigu ba feto ne´e, maibe Jesus hateten ba nia dehan,” Hau mos la kastigu o. Fila ona ba uma, maibe keta haluha , labele halo sala tan!”.

Nune´e mos problema fahe malu entre fen-laen ne´ebe globalmente akontese iha mundu tomak, inklui Timor-Leste, maibe nia konsella ba sarani sira atu labele monu ba diabu nia hakarak hodi sobu relasaun ne´ebe kesi meti nona hodi Nai Jesus nia naran.

“Iha João 10:10 hateten, naok-teen sira so halo rungu-ranga deit, tan sira mai para naok, oho, no harahun ema nia moris. Maibe Hau (Jesus) lori moris loloos ne´ebe diak liu, tan Hau mai para ema bele moris hakmatek, no nakonu to´o resin. – Maromak nia liafuan klaru. Hanesan naok-teen, diabu sira hakarak naok amor ita nia hosi Maromak, hakarak sobu ita nia família, hakarak lori ema ba moris sai lanu tem deit, problema door, baku malu no halo moris la hakmatek, ema sira moris ho situasaun ne´e, sira parte hosi diabu nian,” dehan Ps. Ernesto.

Tamba ne´e, alende le´e bíblia, pastor ne´e husu ba sarani sira atu halo jejum mos ba ida-idak nia moris hodi hametin relasaun ho Nai Maromak nune´e moris ne´e bele tuir dalan Maromak nian no kontinua hetan protesaun hosi Nai Jesus.

  • Share

Leave a Reply

Your email address will not be published. Required fields are marked *

error: Content is protected !!