Prevene Konflitu iha ElPar, APC Halo Kampana Promove Dame

Gleno, www.news-viptv.com – Relasiona ho kalendariu kampana Eleisaun Parlamentar (ElPar) ne´ebe sei hahu iha 19 Abril to´o 18 Maiu, Autoridade Protesaun Sivil (APC) iha semana ida nia laran halo kampana promove dame iha Munisipiu hotu inklui RAEOA hodi prevene konflitu labele mosu durante kampana ElPar.

Prezidenti Autoridade Protesaun Civil (APC), Superintende Polisia Ismael da Costa Babo, M.Sc esplika Kampana Promove Dame ne´e implementa hosi Diresaun Nasional Prevensaun Konflitu Komunitaria (DNPKK) ne´ebe nia papel maka oinsa hakbesik an ba komunidade hodi promove dame no estabilidade.

Komandante Operasaun APC Munisipiu Ermera, Inspetor Xefi Antonio Babo afirma iha Ermera, kampana promove dame mos konvida grupu arte marsias no arte kultura sira no autoridade komunitaria sira.

Representante Grupu Arte Marsiais no Ritual Gastão Salsinha Soares apresia ba servisu APC nian ne’ebé realiza programa ida ne´e hodi halibur organizasaun sira hotu hodi hametin paz no estabilidade kontrbui ba desenvolvimentu nasional.