Adezaun ASEAN no Kooperasaun Ekonomia Prioridade ba Misaun TL iha Singapura

DILI, www.news-viptv.com – Rekonese Singapura nu’udar pais ne’ebe importante iha Rejiaun Sudeste Aziatiku, Embaixador Timor-Leste ba Singapura, Alex Tilman sei tau prioridade Governu nian programa ba adezasaun ASEAN iha nia misaun servisu.

Koperasaun ekonomia mos sei sai ajenda ba nia misaun durante iha Singapura hodi oinsa bele atrai mos investor hosi nasaun refere hodi bele investe iha Timor-Leste.

Alex Tilman simu ona posse hosi Prezidente Republika Jose Ramos Horta iha 12 Dezembru 2023 hodi troka embaixadora Maria Angela Carrascalao ne’ebe asumi fali kargu nu’udar embaixadora ba Republika Federativa Brazil.

Mandatu Alex Tilman nu’udar embaixador hahu hosi 2024 to’o 2027.