Presidensia Republika Fahe Parcel Natal ba Prizioneiru Gleno

ERMERA, www.news-viptv.com –  Prezidente Repúblika (PR), Jose Ramos Horta, liu husi Assesoria Sosiedade Sivíl no Apoiu Sosiál halo natal hamutuk hodi fo parcel Natal ba família prizioneiru sira iha Prizaun Gleno, Ermera, Segunda (16/12/2024).

Iha Prezidenti nia mensajem ne’ebe hatoo husi Quintiliano Moniz nudar assessor hateten, natal ba povu ne’ebe prezidenti halo inklui mos ho prizineiru sira.

Nune’e Diretora Jerál Administrasaun Prezidente Repúblika, Aida Maria dos Santos, husu ba prizineiru sira atu kontinua kuda domin no dame iha prizaun laran.

Iha sorin seluk, Diretór estabelesementu Prizaun Gleno, Cristiano Salsinha, agradese wa’in ba programa ne’ebé husi Prezidente Repúblika nian, hodi mai too iha prizaun Gleno.

Parcel Natal ne’ebe fahe maka sasán nesesidade bázika maka hanesan pakote haris nian, ropa no hahan balun.

Dadauk ne’e iha prizaun Gleno, total prizioneiru hamutuk 101, kompostu husi feto-18 no mane 83.