banner 1000x250

PR Ramos-Horta Partisipa COP28 Simeira Mundiál Asaun Klimatíka iha EAU

  • Share
Segundo Vise Primeiro Ministru, Mariano Assanami Sabino wainhira akompana PR Ramos-Horta hodi desloka ba Dubai, EAU partisipa COP 28. Foto: Media PR
banner 728x90

Dili, www.news-viptv.com – Prezidente Repúblika (PR) Jose Ramos-Horta husik Timor-Leste hodi halo viagem ba Dubai, Emiradus Arabes Unidos (EAU) hodi Partisipa COP28 Simeira Mundiál Asaun Klimatika.

Viagem xefi estadu ba EAU ne’e hahu Kinta (30/11/2023) to’o 3 Dezembru 2023 hodi hatan ba konvite husi Sheik Mohamed bin Zayed Al Nahyan, Prezidente Emiradus Arabes Unidus no Liurai Abu Dhabi.

Sorumutu Asaun Klimátika Mundiál ne’e sai hanesan Segmentu Nivel Aas husi Konferensia Parte sira nian ba da-28 (COP-28) ba Konvensaun Enkuadramentu Nasoins Unidas nian kona-ba Mudansa Klimátika (UNFCCC) ho kompromisu globál atu responde ba mudansa klimátika.

Konvite ba Simeira Asaun Klimátika Mundiál subliña nesesidade krítiku ba lideransa mundiál sira atu tradús desizaun sira ne’ebé relasiona ho klima ba asaun tanjivel no planu kredivel sira ho objetivu prinsipál atu reforsa esforsu globál sira hodi kombate emerjénsia klimátika no promove asaun ba koordenasaun hodi responde ba mudansa klimátika.

Iha 2 Dezembru 2023, PR Ramos-Horta sei hato’o deklarasaun nasionál Timor-Leste nian iha Simeira Asaun Klimátika Mundiál ne’ebé ko’alia liu kona-ba esperiénsia nasaun nian kona-ba impaktu oioin husi mudansa klimátika, hanesan inundasaun, bee menus, rai-halai no tasi sa’e, ne’ebé hamosu redusaun iha produsaun agrikultura, aumentu inseguransa ai-han, falta bee, destruisaun infraestrutura, lakon moris umana, deslokasaun no mós limitasaun iha kapasidade finanseira no teknolojia ba rekuperasaun.

PR Ramos-Horta mós sei ko’alia liu kona-ba prioridade sira Timor-Leste nian kona-ba adaptasaun no mitigasaun. Nasaun ne’e halo ona planu adaptasaun nasionál (PAN), Programa Adaptasaun Nasional ba Asaun (PANA), no halo revizaun ba ninia Kontribuisaun Nasionalemente (KND) tuir rekizitu husi UNFCCC. Iha área mitigasaun nian, Timor-Leste iha kompromisu ba pasu dezenvolvimentu low-carbon, foka liu ba enerjia renovavel no reflorestasaun.

“Ho prioridade adaptasaun iha área agrikultura, seguransa ai-han, bee, infraestrutura no saúde, ami apela ba parte sira husi nasaun dezenvolvidu sira atu finansia ba implementasaun kumpletu ba ami nia prioridade prinsipál adaptasaun Xavi sira iha PAN nia okos atu aumenta ita-nia reziliénsia. Ami mós enkoraja no agradese ba kompromisu EAU nian hodi tulun Timor-Leste hodi halo tranzisaun ba enerjia solar,” hateten PR Ramos-Horta iha komunikadu imprensa .

Xefi estadu insiste ba Organizasaun Mundiál Saúde (OMS) atu rekoñese efeitu mudansa klimátika ba biodiversidade nu’udar dezafiu saúde globál ida no husu ba parte sira husi nasaun dezenvolvidu sira atu lidera redusaun emisaun gás estufa, hamutuk ho nasaun  emissores boot sira seluk, atu alkansa emisaun liquidas-zero iha 2050.

Durante vizita ne’e, PR Ramos-Horta sei hala’o sorumutuk bilaterál ho nia Eminensia, Major Imã Al Azhar, Prof. Ahmad Al Tayeh, no Juis Abdelsalam husi Konsellu Muçulmano de Anciãos. Prezidente konklui ninia atividade hotu iha Dubai, Emiradus Arabes Unidus, iha loron 3 Dezembru 2023.

  • Share

Leave a Reply

Your email address will not be published. Required fields are marked *

error: Content is protected !!